ودي أعيش قصة حب خيالية

 

قصة عشق ما تصير إلا بروايات

 

حب ما هو حقيقي

 

حب بس مكتوب على وريقات !

 

حب يخليك تملك الكون

 

حب يخليك بعالمك مجنون

 

حب يخليك ما تشوف غير حبيبك

 

وما غيركم بهالكون

 

قصة حب بطلها مو موجود غير بأحلامي

 

قصة حب والبطل أنا أحكيه ضمن كلامي

 

ما أبي لوجوده مكان

 

غير في خيالاتي

 

أبي أنا أكتبه

 

أبي أنا أوصفه

 

أبي أنا أعطيه احساس يحبني

 

يعشقني

 

ما أبيه حبيب خوان في كل وقت يخونني

 

أبيه وفي من جد ويصونني

 

أبيه يسمعني ويحسني

 

أبيه يفرق بين دموعي لا ضحكت ولا بكيت

 

أبيه يعرف وش أبي حتى لو ما شكيت

 

أبيه صدق يكون بداخلي

 

يمسح همومي

 

ويسهر على جروحي

 

يحس فيني صدق مو يجاملني

 

أبي أعطيه احساس يلمني

 

يضمني

 

يحسسني إني أغلى من عيونه

 

أقرب من أنفاسه

 

أحلى من أحلى أيامه

 

أبي أنا أكتبه !

 

هذا الحبيب اللي بأكتبه

 

ما له وجود

 

آخر حبيب كان له هالصفات

 

اختفى قبل لا يلقى حبيبه !

 

آخر حبيب كان له هالصفات

 

مات وما عرف ان الخيانة واقع وحقيقة !

 

حبيبي هذا اللي بأكتبه

 

عنده اخلاص قيس

 

ووفا عنتر

 

حبيبي هذا اللي بأكتبه

 

قلبه ندي ما هوب متحجر

 

حبيبي هذا !

 

تدرون خلاص

 

ما عاد أبي أكتبه

 

أخاف يطلع من وريقاتي

 

أخاف يخونني وعلي يتجبر

 

أخاف أهون

 

ومن وريقاتي يتحرر